Төлеби аудандық ішкі саясат бөлімінің “Жастар ресурстық орталығы” КММ-мен аудандық білім бөлімінің бірлесе ұйымдастыруымен, Көксәйек ауылдық округі, Төле би ЖББМ — де ойын құмарлық, құқық бұзушылықтың, ерте жүктіліктің алдын алу және жастарға арналған мемлекеттік бағдарламаларды насихаттау мақсатында оқушылардың қатысуымен профилактикалық кездесу өтті.
Іс — шараға: аудандық ішкі саясат бөлімінің “Жастар ресурстық орталығы” КММ-нің инспекторы А.Әлімқұлов және психологы М.Оразбай, мемлекеттік бағдарлама тобының жетекші маманы А.Тлеубердиев қатысты.
Жоғарғы сынып білім алушылары арасында келеңсіз жағдайлардың алдын алу, қаржылық пирамидалармен, интернет-алаяқтықпен күресу, қоғамдағы суицидтік сезімдердің алдын алу, зорлық — зомбылықтың, бопсалау, буллинг және кибербуллинг жағдайларын анықтау сонымен қатар оқушылардың жүйке жүйесіне кері әсер ететін құралдарды пайдаланудың алдын алу бойынша психолог маманы тренинг жүргізіп, психологиялық оңалту, кеңес беру жұмыстарын өткізді.
Суицид мәселесі әлем жұртын алаңдатқан өзекті тақырыптың бірі. Өз өміріне қиянат жасап, жарық дүниеде тығырыққа тіреліп, өзіне қол жұмсауға бейім адамды райынан қайтаруға бола ма? Суицид жасауға ұмтылған жақыныңызға қалай көмектесуге болады?
Бүгінгі күннің басты мәселелерінің бірі – кәмелетке толмағандардың арасындағы суицид, яғни, өз-өзіне қол жұмсауы. Бұл мәселе кімді болсада алаңдатпай қоймайтыны анық. Жасөспірім шақта кездесетін қиындықтарды көтере алмау, айналасындағылармен тіл табыса алмау, психологияның толық қалыптаспағандығы, осы және тағы да басқа себептерден өскелең ұрпақ арасында суицид мәселесі артып отыр. Суицидтің алдын алу үшін ата-аналар, мұғалімдер психологтармен бірлесе отырып жұмыс атқару керек.
Мемлекет тарапынан оқушыларға беріліп жатқан жеңілдіктер туралы, оның ішінде «Серпін-2050 Мәңгілік ел жастары – индустрияға», «Дипломмен ауылға», «Болашақ» халықаралық стипендиясы және «Жасыл ел» жастар жасағы мемлекеттік бағдарламалары жайлы мектеп бітіруші түлектер мен жас мұғалімдерге арнайы түсіндірме жұмыстары жүргізіп, инфо парақшалар таратылды
