Былтыр шілдеде Мемлекет басшыс Қасым-Жомарт Тоқаев «Қазақстан Республикасының Әкімшілік құқық бұзушылық туралы кодексіне қаржылық пирамидалардың қызметіне қарсы іс-қимыл мәселелері бойынша толықтыру енгізу туралы» заңына қол қойған еді. Ол заң қаржы пирамидаларын жарнамалағандар үшін жауапкершілікті қатаңдатуды қарастырады, деп жазады nege.kz-ке сілтеме жасаған 4tagan.kz.
Одан кейін де мемлекет басшысы қаржылық пирамидалар мәселесіне ерекше тоқталып жүрді. Бір сөзінде ол:
«Көптеген азаматтарымыз қаржы пирамидаларының құрбаны болуда. Тек бір ғана қылмыстық іс бойынша 17 мыңнан астам жәбірленуші бар. Мұндай қылмыстық істерді жүзеге асыру үшін алаяқтар бірыңғай транзакцияларды бірнеше рет өткізіп барып, жоқ болады. Күмән тудыратын осындай белсенділікті уақытылы анықтаған жағдайда көптеген адамдарды шалыс басудан сақтап, алаяқтарды жазалауға болар еді», – деп айтқан болатын. Ақпараттық портал тілшісі осындай алаяқ топтарды анықтау мен бұғаттау қызметтерімен айналыстатын Қаржылық мониторинг агенттігі ресми өкілі Әлібек Әбділовтен қазіргі жасалып жатқан жұмыстың жай-күйін сұраған еді.
–Қаржы пирамидаларын жарнамалағандар үшін жауапкершілікті қатаңдату туралы заң қабылданса да бұл процесс әлі жалғасып келеді. Оны жарнамалағандарды бақылау, жауапқа тарту іс жүзінде қалай жүзеге асады? Мысалы әлеуметтік желі посттары мен пікірлерді толықтай қадағалау мүмкін емес қой?
–Рақмет сұрағыңызға. Қазіргі ақпараттың қолжетімді, ғаламтордың дамыған заманында айтып отырған әлеуметтік желілердегі кез келген посттар мен пікірлерді қадағалап отыру мүмкін емес десек те, қол қусырып отырған ешкім жоқ. Қаржылық мониторинг агенттігінң ақпараттық жүйелері тәулік бойы интернет кеңістікті бақылай отырып, қаржы пирамидаларының белгісі бар сайттар мен аккаунттардың барлығын бұғаттайды.
