Интернет заманына дейін халық ақпаратты дәстүрлі бұқаралық ақпарат құралдарынан алатын болса, қазір олар жаңалықты бір-біріне өзара тарата алады. Соның салдарынан оған субъективті пікірлер қосылып, ақпарат өзгеріп тарайды. Жалған ақпараттан әсер алған қолданушы оны тарата отырып, өзінің іс-әркетінің қаншалықты маңызды екенін көбіне дұрыс бағамдай бермейді.
Алаяқтар Антикор атынан жалған ақпарат таратып жатыр. Агенттік мәлімдеме жасады.
«Сыбайлас жемқорлыққа қарсы қызмет мессенджерлерде (WhatsApp, Telegram және т.б.) Қазақстан Республикасы Сыбайлас жемқорлыққа қарсы іс-қимыл агенттігінің басшылығы мен қызметкерлерінің атынан жалған аккаунттар құрған және жалған ақпарат тарататын алаяқтар туралы ескертеді. Жалған ақпараттарға сенбеуге, күмәнді сілтемелер бойынша өтпеуге, сондай-ақ, қаражат аудармауға шақырамыз», — делінген хабарламада.
Сонымен бірге, Мемлекет басшысы ел азаматтарын ресми ақпаратқа сүйенуге шақырды.
«Бұқаралық ақпарат құралдары, белсенді азаматтар мен блогерлерге айтарым: жұртты дүрбелеңге салатын жалған ақпарат таратпау керек. Қазіргі уақытта билік пен қоғамды үйлестіретін әрекет жасау маңызды. Азаматтарды тек ресми ақпарат көзіну сүйенуге шақырамын. Құтқарушыларға, тәртіп сақшыларына, волонтерлерге және апатпен күресуге атсалысып жатқан барша жұртқа алғысымды айтамын», — деді Президент.
Айта кетейік, Қазақстан Республикасының Қылмыстық кодексінде 2015 жылдың 1 қаңтарынан бастап күшіне енген заңнамаға сәйкес, жалған ақпарат беру, тарату және пайдалану қылмыстық жауапкершілікке әкеліп соғады.
Қазақстанда жалған ақпарат таратқаны үшін 20 АЕК сомасындағы айыппұл төлеуден бастап, 7 жылға бас бостандығынан айыруға дейінгі жаза көзделген.
