«Ауыл аманаты» бағдарламасы ауылдағы шаруақожалықтардың ұлғаюына және шаруашылыққа қызығушылық танытқан тұрғындарға мол мүмкіндік. Қала әкімі Жандос Тасовтың төрағалығымен өткен жиында бағдарлама бойынша атқарылған жұмыс барысы баяндалды.
Қалалық кәсіпкерлік және ауылшаруашылық бөлімінің басшысы С.Асылхан «Ауыл Аманаты» бағдарламасының атқарылған жұмыстары бойынша ақпарат берді. Өткен жылы осы бағдарлама аясында 3 кооператив құрылып, мүшелері қажетті несиемен қамтылған. Бұл жұмыстар биылда жалғасын таппақ. Қала басшысы сала басшысына тұрғындар арасында түсіндірме жұмысын күшейтуді тапсырды.
Аталмыш бөлім басшысы Туризм саласын дамыту бойынша ағымдағы жылы іске асырылатын жаңа жобалар туралы баяндады. Қала әкімі қаланың тарихи жеріне зиярат етіп келушілер мен тауға демалысқа келетін туристердің санын арттыруды, ол бойынша жобалар әзірлеуді тапсырды.
Мәжілістің күн тәртібіндегі үшінші тақырып, қала аумағындағы тұрғын үйлердің орталықтандырылған табиғи газ жүйесіне қосылу барысы туралы және қала тұрғындарының газбен жабдықтау жүйесін қауіпсіз пайдалану бойынша атқарылып жатқан жұмыстар барысы тыңдалды. Ол бойынша Кентау қалалық газ қызметі КММ директоры А.Әміртаев баяндап өтті.
Бүгінгі таңда, 2023 жылғы жылдық жоспар толық орындалып қала аумағындағы жалпы 18062 абоненттің 9434 (52,5%) абоненті орталықтандырылған газ жүйесіне қосылды. Оның ішінде: көп қабатты пәтерлерден –4341 пәтер, жеке тұрғын үйлер – 5055, әлеуметтік нысандар және жеке кәсіпкерлік нысандар – 38 абонент қосылды. 2024 жылға тұрғынның 93 пайызын газға қосу жоспарланған.
Қала басшысы газға қосу жұмысын жандандыруды, халыққа түсіндіру мақсатында үгіт-насихат жұмысын күшейтуді тапсырды. Әсіресе, кәсіпкерлік нысандардың басым бөлігін газға көшіру қажетілігін, сол кезде орталықтандырылған Жылудың тұрғындарға сапалы берілуіне мүмкіндіктер болатынын атап өтті. Жиында берілген тапсырмалар бақылауға алынып, тиісті шаралар қаралады деді.
