Отырстың негізгі мақсаты шағын және орта кәсіпкерліктің дамуына жан-жақты қолдау көрсету, мемлекет тарапынан берілетін жеңілдіктер тетіктерін дер кезінде ақпараттандыру және оны пайдалануда жобаларға сүйемелдеу жұмыстарын жүргізу.
Табиғаты тамаша ауданымыз туризм, ауылшаруашылығы бағытындағы жобаларды жүзеге асыруға таптырмас аймақ.
Осыны ескере келе, аудан әкімі Нұржан Ізтілеуов өзінің төрағалығымен өткен кезекті инвест штабының отырысында округ, кент әкімдеріне туризм саласын дамыту бойынша нақты тапсырмалар жүктеді. Атап айтсақ, ауданымыздың батыс бөлігінде, өзен бойында орналасқан Арыс, Келтемашат, Машат, Балықты округтерінде демалыс аймақтары мен балық шаруашылығын дамыту керектігін атап өтті.
Ауыл әкімдеріне өздеріне бекітілген әр округтің картасын дайындап, кәсіп ашуға ниетті кәсіпкерлермен тығыз жұмыс жүргізу керектігін жеткізді.
Сонымен қатар, өз ісін ашуға қызығушылық білдіріп отырған кәсіпкерлерге жерді жалға 1 жылға беру керектігін ескертті. Егерде, кәсіпкер аталған мерзім ішінде өз кәсібін бастайтын болса, жалға беру уақыты ұзартылатын болады. Бұл өз кезегінде ұзақ мерзімге жер телімін жалға алып, пайдаланбай отыратын кәсіпкерлерден жерді қайтарып, нақты өз тірлігін жүргізуге бел буған азаматтарға жер телімін беруге ыңғайлы болмақ-деді, Нұржан Жақсылықұлы.
Жалпы штаб отырысында 30 жуық түрлі бағыттағы жобалар талқыланып, оларды іске асыру жолдары пысықталды.
Жиынды қорытындылаған аудан әкімі ауданымызда кәсіпкерлік саласын дамыту аймақтың әлеуметтік-экономикалық жағдайын ғана арттырып қоймай, жаңа жұмыс орындары ашылып, тұрғындардың әл-ауқатын арттыруға зор септігін тигізетінін атап өтті.
