«Қазір еңбек нарығында ауқымды өзгерістер болып жатыр. Онда цифрлы экономиканың рөлі арта түспек. Платформалық жұмыспен қамту жүйесіне қызығушылық артып келеді. Осы секторда қазірдің өзінде жарты миллионнан астам адам жұмыс істейді. Алайда, олардың еңбек құқықтары толық қорғалмаған. Сондықтан осы санаттағы азаматтардың еңбек құқықтарын қорғаудың нақты тәсілдерін әзірлеп, платформалық жұмыспен қамту мәселесін түгел реттеу қажет».
(Мемлекет басшысы Қасым-Жомарт ТОҚАЕВТЫҢ «Әділетті Қазақстанның экономикалық бағдары» атты Қазақстан халқына Жолдауынан).
Жалпы, еңбек нарығын жан-жақты дамыту үшін Үкімет қысқа мерзімде 2030 жылға дейінгі кешенді жоспарды бекітуі керек.
Түркістан облысында жұмыспен қамту саласы бойынша барлық қызметтер электрондық еңбек биржасының «enbek.kz» мемлекеттік порталы арқылы көрсетілуде. Бұл өз кезегінде халықтың кез келген жерде қызмет алуына мүмкіндік беріп, ашықтықты айқындауда.
Бүгінгі таңда «enbek.kz» мемлекеттік порталына жұмыс берушілер тарапынан 22 мыңнан астам вакансия жарияланған. 42 мыңдай азамат электронды еңбек биржасы арқылы жұмысқа жолдама алды. Электронды түрде жұмысқа жолданған азаматтардың жұмыс берушілер тарапынан төленген міндетті зейнетақы жарнасы мен электрондық еңбек келісімшартының төленуіне тұрақты түрде бақылау жүргізіледі.
Түркістан облысы бойынша Ұлттық жобалар негізінде «Өңірлік жұмыспен қамту картасы» жобасы жасалып, нәтижесінде 109 716 жұмыс орнын ашу (оның 72 358-і тұрақты, 37 358-і уақытша) жоспарланды. Сонымен, 2023 жылдың 1 қыркүйегіне дейін Ұлттық жобалар аясында 78 982 жаңа жұмыс орны (4 073-і тұрақты, 3 352-сі уақытша) ашылды. Оның ішінде Ұлттық жобалар аясында 466 жоба бойынша 5 000 жаңа жұмыс орнын ашу жоспарланды. Биылғы 4 қыркүйектегі мәлімет бойынша 132 жұмыс беруші 2 859 бос жұмыс орнын ұсынды. Оған 2 274 адам жұмысқа орналасты. «10 мың тұрғынға 100 орын» жобасы бойынша 22 595 тұрақты жұмыс орнын ашу көзделген-ді. Нақты 21 017 тұрақты жұмыс орны ашылды. «Кәсіпкерлікті дамыту жөніндегі ұлттық жобасы» аясында биыл 84 мың азаматты жұмыспен қамту көзделген. Оның ішінде 44,7 мыңнан астам адам тұрақты, 33 мың адам субсидияланған уақытша жұмыс орындарына жіберілмек.
Қазіргі таңда 55 691 адам жұмыспен қамтуға жолданды. Оның ішінде 25 177 адам тұрақты жұмыс орнына, 30 514 адам субсидияланған уақытша жұмыспен қамту шараларына тартылды.
Д.БЕГАЛЫҚЫЗЫ,
облыстық жұмыспен қамтуды үйлестіру және әлеуметтік
бағдарламалар басқармасының бөлім басшысы.
