Мемлекетіміздің басты стретегиялық бағыты — рухани келісім мен татулықты сақтау болып табылады. Осы мақсатта бүгін аудандық орталық кітапханада 18 қазан – Рухани келісім күні аясында дөңгелек үстел өтті. Еліміздің бірлігі мен татулығын насихаттау мақсатында өткен мерекелік шараға ауданымыздағы мешіттердің имамдары мен мекеме қызметкерлері қатысты.
Жиынды Отырар ауданы әкімінің орынбасары Айдос Құлмаханов ашып, жүргізіп отырды. Ол сөз сөзінде: «Мемлекет болып, қоғам болып конфессияаралық келісімді нығайту − басты міндет болып табылады. Қазақ халқы «Отаны бірдің – тілегі бір, тілегі бірдің – жүрегі бір» деп текке айтпаған. Бүгінде ұлттар мен ұлыстар арасында бейбітшілік пен конфессияаралық келісімді сақталуда. Татулық пен сенімділікті серік етудің нәтижесінде мемлекетіміз өркениетке көш түзеді», — дей келе, бүгінде қол жеткізген жетістіктердің барлығы бейбітшілік пен бірліктің алтын арқауы екендігін тілге тиек етті.
Жиын барысында қоғамдағы рухани келісімнің негізі саналатын дұрыс діни тәрбие беру мен конфессияаралық қарым-қатынас этикасына қатысты бірқатар мәселелер талқыланды. Ауданның бас имамы Дербісбай Ғани Әбдікерімұлы исламның негізгі аспектілеріне тоқтала отырып, жастардың түрлі жат ағымдардың жетегінде кетуіне жол бермеу керек екенін айтты.
Сондай-ақ, сөз барысында сынды ауылдық мешіттердің имамдары қазақстандық қоғамның рухани-адамгершілік жаңғыруы, гуманизм, мәдени өркендеу жолындағы әрекеттерді арттыру жайында келелі ойларын ортаға салды.
Шара барысында ауданымыздың руханият саласына еңбек етіп, жастар мен аудан тұрғындарын бірлікке, ынтымаққа шақырып, аймақтың рухани дамуына үлес қосып келе жатқан бір топ азаматтар арнайы алғыс хаттармен марапатталды.
