Ел Президентінің кезекті Жолдауын Бәйдібек ауданының «Жастар ресурстық орталығы» қызметкерлері зейін қойып тыңдап, зор ықыласпен қабыл алды.
Ұлттың жаңа сапасын қалыптастыру — еліміз үшін айрықша маңызды, әрбір азаматымыз, әсіресе жастар, ең жақсы қасиеттерді бойына сіңіруі қажет. Оның бәрі бірігіп, біртұтас қоғамдық қасиетке айналады. Әркім отаншыл, білімпаз, еңбекқор, тәртіпті, адал, әділ, үнемшіл әрі жанашыр болса алынбайтын асу жоқ.
“Жалпы алғанда, Қазақстан Еуразия құрлығындағы басты транзит ретіндегі рөлін арттыруы керек. Осылайша, уақыт өте келе көлік-логистика саласындағы ірі мемлекетке айналуымыз қажет. Көлік-логистика саласын қарқынды дамыту – бұл стратегиялық міндет. Үш жыл ішінде оның ішкі жалпы өнімдегі үлесі кемінде 9 пайызға жетуге тиіс. Ол үшін саланы тиімді басқару өте маңызды. Сондықтан, Көлік министрлігін қайта құрған жөн. Бұл министрлік жол инфрақұрылымын салумен де айналысады», — деді Президентіміз Қасым-Жомарт Кемелұлы.
Бүгінгі Жолдау еліміздің болашақ дамуы мен ертеңгі күнге бетбұрысын айқындап берді. Ендеше, қуатты Қазақстанды бірге құрып, елдің әл-ауқатын жақсарту жолында жемісті жұмыс істеп, ерінбей еңбектенейік.
Қазақстан — біздің жалғыз ғана Отанымыз!
Жамбыл КӨРІКБАЕВ,
аудандық «Жастар ресурстық орталығының» директоры.
