Мемлекетіміздің Басшысы Қасым-Жомарт Кемелұлы Тоқаевтың Парламент палаталарының бірлескен отырысында жасаған «Әділетті Қазақстанның экономикалық бағдары» атты Жолдауын аяғына дейін толық тыңдап шықтым. Жолдауда тоқталып өткен әрбір мәселе еліміздің даму процесінің болашаққа нық басқан берік қадамы. Президент еліміздегі болып жатқан саяси реформаны әлеуметтік даму реформасына ұштастыру керектігіне басты назар аударып отыр. «Ұлттық қор – балаларға!» бұдан бұрынғы жолдауда айтылғанындай балалардың есепшотына қаражат жаңа жылдан бастап түсе бастайтынын нақтылап айтты. Президент «Жайлы мектеп» жобасының да жалғасын табатынын баяндады. Қазақстанның келешегінің кепілі — ұрпақтарымыздың бақытты, бейбіт заманда қажетті білім алып, қалаған мамандықтарын таңдап, еліне қызмет жасауына үлкен мүмкіндіктердің бастауы деп білемін. Халықтың әлеуметтік тұрмыс жағдайын көтеруге барынша басымдық жасалынған. Ең төменгі айлық көрсеткішінің жаңа жылдан бастап тағы да көтерілетінін нақтылап айтты. Жолдаудағы көтерілген мәселелердің іс жүзінде шешімін тауып, халыққа қызмет жасайтынына менің сенімім мол. Ендігі ретте, еліміздің жарқын болашағы үшін бірге қадам басып, келешегіміздің кемелденуі мен ұрпақтарымыздың бақытты өмір сүруі сіз бен бізге байланысты.
Қазақстанымыз өсіп-дамып, өркендей берсін.
Еліміз аман, жұртымыз тыныш болсын!
Нағима ҚЫРЫҚБАЕВА,
аудандық «Әйелдер кеңесі» қоғамдық бірлестігінің төрайымы.
