Сарыағаш аудандық орталық кітапханада «Шәкәрім өсиеті – адалдық айнасы» атты әдеби телекөпір өтті. Онлайн кездесуде ҚР Ұлттық академиялық кітапханасының Ғылым, менеджмент және маркетинг қызметінің жетекшісі Оңай Мырзағалиева, Шиелі аудандық кітапханасының оқырмандарға қызмет көрсету бөлімінің меңгерушісі Райхан Нүрекеева қатысып, өздерінің пікірлерін білдірді. Телекөпірде арнайы жасақталған кітап көрмелері таныстырылып, оқырмандармен жүргізілетін жүйелі жұмыстар насихатталды. Тіл маманы, кітапхананың тұрақты оқырманы Ақмарал Батырханқызы Ш.Құдайбердіұлының өмірбаянымен таныстырып өтті.
Ашық есік күніне облыстық «Фараб» әмбебап ғылыми кітапханасының директоры Жанат Сәдібекқызы және облыстық кітапхана қызметкерлері, Қызылорда облысы Шиелі аудандық орталық кітапхана және Келес аудандық орталық кітапхана қызметкерлері қатысты.
