Бүгін Сайрам ауданындағы 40-тан астам зағип, көзі нашар көретін жандар Түркістандағы «Қожа Ахмет Яссауи», «Бәйдібек би» және «Домалақ ана» кесенелеріне зиярат жасап қайтуға жол тартты.
Жалпы ауданда бойынша 10380 мүгедектігі бар адамдар тіркелсе, олардың 709 –ы көзі көрмейтін және көзі нашар көретін зағип жандар. Бүгінде оларға тұрақты түрде әлеуметтік көмек түрлері көрсетілуде. Атап айтқанда, мүгедектігі бар адамдарды абилитациялау мен оңалтудың жеке бағдарламасына сәйкес, тифлотехникалық құралдар (тифлотаяқша, сағат, телефон, ноутбук, оқу машинасы, плейер, Брайль жүйесі бойынша жазу құралы, санаторлық-курорттық емделу және т.б) берілуде.
Одан бөлек, жыл сайын мүгедектігі бар адамдар күні қарсаңында қасиетті жерлерге зиярат жасау және түрлі спорттық іс-шаралар ұйымдастырылып келеді. Осы үрдіспен биылғы жылы да аталған іс-шаралар жалғасын тауып, Аудандық жұмыспен қамту және әлеуметтік бағдарламалар бөлімінің ұйымдастыруымен
Айта кетейік, сапар алдында «Қазақ соқырлар қоғамы» қоғамдық бірлестігі Түркістан облыстық филиалының Сайрам аудандық бастауыш ұйымының төрағасы Т.Каримшиков ризашылығын білдіріп, ақ батасын берді. Сондай-ақ, аудан әкімінің орынбасары Ш.Убайдуллаев, бөлім басшысы Н.Сарыбеков сапарлары сәтті, зияраттары қабыл болсын деген тілектерін білдірді. Аталған іс-шара кейін де жалғасын табатын болады дейді ұйымдастырушылар.
