Тынбай еңбек еткеннің тұрмысы берекелі болады. Бүгінгі заманның талабы да осы. «Кәсібіне қарай — нәсібі» демекші, бүгінде өз мүмкіндіктеріне қарай кәсіп ашып, ісін дөңгелетіп отырған азаматтар саны күннен-күнге артып келеді. Сондай кәсіпкерлердің қатарында майтөбелік Алихан Габибуллаұлының үлесі зор. Негізгі мамандығы медицина саласында болса да, кәсіпкер химиядан біліктілігі бар болғандықтан осындай өнімді шығаруды жөн көрген. Екі жыл бұрын бастаған бұл кәсіптің 12 өнімді шығаруға сертификаты бар. Бұл тек аудан үшін емес, облысқа басқа да қалаларға жаңа бастама болғалы тұр. Отандық өнімді Шымкент, Тараз, Астана, Қызылорда, Ақсукент тағы басқа аймақтарға таратады. Сонымен қатар, сұйық сабын, киімді ағартуға арналған, терезе жууға арналған, ыдыс жууға арналған сұйық сабын, шашқа арналған сұйық сабын өнімдерін шығаратын бұл цехта 3 адам жұмыс жасайды.
Жағымды жаңалықты естіп, ел болып бізде “бәрекелді” дестік. Өйткені, ауданда мұндай өндіріс саласы кенжелеп қалған. Енді ғана бой көрсетіп келеді. Ашылғанына көп болмаса да Алибектің шағын цехынан шыққан өнімге жергілікті тұрғындардың да сұранысы күн санап артуда.
Жеке кәсіпкер Алихан Габибуллаұлының айтуынша, кір сабын тек кір жуу үшін ғана емес, тұрмыс-тіршілікте де өзіндік пайдасы зор. Бұл өнімге деген сұраныс өте жоғары. Кір сабын — табиғи және экологиялық таза өнім. Кір сабын өсімдік майлары мен малдың іш майын қолдану кезінде оның тұтынушылық қасиеттерін жақсартатын жоғары сапалы арнайы қоспалардан дайындалады. Сабын шығаратын орталықты аралай отырып байқағанымыз қондырғылар қарапайым ғана. Газбен жылытылатын қазанда майды қыздырып оған химиялық қоспалдарды қосса кір сабын дайын.Айта кетейік сабын шығаратын станоктарды яғни арнайы аппараттарды өздері қолдарымен істеген. Нағыз еңбек емеспе?
Осы кезге дейін қарапайым күнделікті тұрмыстық өнімді өзге өңірлерден тасымалдап келдік. Ал дәл қазіргі уақытта ауданымызда жалғыз цех осы Майтөбе ауылында жұмыс жасап тұр. Кәсіпкер шикізаттың барлығын өзі дайындап цех жұмысын кеңейтуді көздейді. Одан бөлек иіс сабын өндірісін қолға алмақ. Расын айтқанда, еліміз тұрмысқа қажетті тауардың дені шетел импорттайды. Бұл ретте жас кәсіпкер осы олқылықтың орнын толтырып, ішкі нарыққа отандық брендты қалыптастырсам дейді.
Бренд демекші, жеке кәсіпкер “Lady” брендімен шығатын өнімді өз ептілігімен дөңгелетуде. Бүгінде елімізде өндіріс саласын көбейтуді көздеген іске епті, еңбекқор жан. Іскер жігіт әр сабынды 110 тг көлемінде саудалап, тұрақты табысын тауып отыр. Кішігірім өндіріс орны тұрмыстық химия және автохимиямен айналысады.Өнімнің ерекшелігі шетелден келетін өнімнен әлде қайда арзандығында. Мысалы ыдыс жуатын су сабын 400 — 450 теңге болса, “Lady” ыдыс жуатын сұйық сабыны 250-300 теңге.
Бұл кәсіпті бастауға 5-7 миллион қаражат жұмсалған отандық өнімдер Мемлекеттік тапсырыс арқылы сатылымға шыққан,күніне 1500 сабын шығарады.Сондай-ақ кір сабын тек кір жуу құралы ғана емес, тұрмыста да пайдалануға болады. Денеңіз сызылып, кесіліп кеткенде, ит тістеп алған жағдайда жарақаттанған жеріңіз тез жазылу үшін кір сабынды жылы суға езіп, дәкеге қалыңдау етіп жақса әсері мол және түрлі жұқпа аурулардан сақтайды. Сондықтан оны зарарсыздандыру мақсатында да қолдануға болады.
Кішігірім текшелерді дайындау үшін цех қызметкерлері көптеген өндеуден өткізіп, дайын өнім болып шыққанша кір сабын бірнеше рет араласып, ауасыздандырып тазартылады. Сондай-ақ кір сабын өзінің күшті құрамымен ерекшеленеді. Матаны бұзбайды, түрлі дақтар пен кірді оңай кетіретіндігі де сондықтан. Сабынның киімді ағартатын қасиеті де бар. Ал мақта жүнінен тігілген заттарда кір сабынмен тазартылғаннан кейінде жұмсақтығын жоғалтпайды. Онымен бала киімін жуғанда қауіпсіз. Өйткені, шаруашылық сабын балғын теріде аллергиялық реакция қалдырмайды.
Берекенің көзі – кәсіпте. Талай сөздің төрелігін айтып, даулы додада дуалы сөзімен, шешендігінің арқасында күрмеулі істің шешімін тапқан Төле би өз заманында «Кәсіп болмай, нәсіп болмас» деп кәсіпкерліктің пайдасын пайымдап кеткен. Иә, расында да международных заманда жеке кәсіп ашып, шаруаның шырайын келтіріп жүрген жас кәсіпкердің алдағы ісіне сәттілік, еңбегінің жемісін көрсін дегіміз келеді.
