Өмірде адам баласының тағдыры әрқилы. Олардың арасында өзге жанның көмегіне зәру жандар қаншама?! Үлкенге құрмет көресетуді және оларға жәрдем беруді өздеріне мақсат еткен Бәйдібек аудандық «Ардагерлерді ардақтайық!» партиялық жобасы аясында ұйымдастырылған «Қарттарым аман сау жүрші!» атты он күндік іс-шарасы өтті.
Акцияның мақсаты – ардагерлерді үлкен кісілерге әрдайым қол ұшын созу, олардан өнегелі тәлім тәрбие алу және сала ардагерлерін кеңінен насихаттау.
1941-1945 жж. Ұлы Отан соғысындағы Жеңістің 78-жылдығына орай ҰОС кезеңінде қайтыс болғандардың жұбайына, ҰОС кезеңіндегі тыл еңбеккерлеріне, Ауған соғысының ардагерлеріне, Ауған-Тәжік шекарасындағы әскери қимылдарға қатысқан ардагерлерге, Семей ядролық сынақ аймақтарында тұрған адамдарға, Чернобыль атом электр станциясының апатынан зардап шеккен адамдарға қаржылай материалдық көмек берілді.
–Қайырымдылық жасағысы келетіндердің саны жыл санап артып келеді. Үлкенге құрмет көрсетіп, жәрдем бергендеріңнің өзі еліміздің татулығын, ауызбірлігін көрсетіп отыр. Ардагерлер қашанда көмекке мұқтаж, сендердің бұл жақсы бастамаларыңды іштей таразылап қуанып отырмын. Иігі істер тұрақты жаоғасын таба береді деп ойлаймын, – дейді қарт әжей батасын берді ерекше ықыласпен.
Сондай-ақ, 80 жастан асқан қарттарға қаржылай көмек көрсетілуде. Бәйдібек ауданы бойынша 85 үйде көмекті қажет ететін мүгедектер мен жалғызілікті қарттарға 15 әлеуметтік қызметкерлер үйлеріне барып ауласын тазалау, отын-суын дайындау, үйішілік жұмысына көмектесу мен қамқорлық жұмыстарын жүйелі түрде көрсетуде.
