Еңбеккер бейнесінде – Халықтың асыл қазынасын сақтаушы, архивші Исатаева Айдын Кеңесбайқызы.
Архив — тарихтың қайнар бұлағы. Архив — егеменді еліміздің асыл қазынасы. Архив қызметкерлері – осы тарихымыздың тамыры, асыл қазынамызды сақтаушы.
Исатаева Айдын Кеңесбайқызы 1965 жылы 17 ақпанда Оңтүстік Қазақстан облысы, Ленгір ауданы, Абай ауылында дүниеге келген. Мектепті жақсы бітірген Айдын арман қуып жоғарғы оқу орны Қазақ химия-технологиялық институтына оқуға түсіп, «инженер-технолог» мамандығы бойынша бітіреді.
2000 жылы Оңтүстік Қазақстан облыстық мемлекеттік архивіне техник болып жұмысқа қабылданады. Білімін ары қарай жетілдіруге Мәскеу қаласындағы (ВНИИДАД) Бүкілресейлік құжаттандыру және архив ісі ғылыми-зерттеу институтында біліктілігін арттырады.
Айдын Кеңесбайқызы мұнымен шектелмей білімін үздіксіз дамытып, тынымсыз еңбегінің арқасында
2003 жылы І-дәрежелі архивист;
2004 жылы құжаттарды пайдалану және жарыққа шығару бөлімінің басшысы;
2009 жылы облыстық мемлекеттік архиві басшысының орынбасары;
2016 жылдан Түркістан облысының цифрландыру, мемлекеттік қызметтер көрсету және архивтер басқармасының «Түркістан облысының мемлекеттік архиві» коммуналдық мемлекеттік мекемесінің басшысы қызметіне тағайындалады.
Айдын Кеңесбайқызының архив саласына қосқан еңбегін айтпау мүмкін емес. «Мәдени мұра» мемлекеттік бағдарламасы аясында мәдени құндылығы бар құжаттарды шет елдерінің мұрағаттарынан іздестіру және ғылыми –зерттеу жұмыстарына қатысып, Өзбекстан Республикасы Ташкент қаласынан, Ресей Федерациясының Сант-Петербург, Мәскеу, Орынбор қалаларынан, Тәжікстан Республикасы Душанбе қаласынан көптеген құжаттардың көшірмелерін әкелуге атсалысты. Ғылыми ізденудің нәтижесінде шет ел архивтерінен әкелінген құжат көшірмелерін ізденушілердің кең көлемде пайдалануларына және біздің өлкенің тарихын толыққанды Айдын Кеңесбай-
қызының ғылыми – тәжірибелік конференция жұмыстарына қосқан үлесі үлкен. 1930 жылдардағы аштық құрбандарын еске алуға арналған конференцияда «Ұлттық трагедияның жаңғырығы» атты баяндамасымен, А.С. Пушкин атындағы облыстық әмбебап – ғылыми кітапханасының ұйымдастыруымен өткізілген конференцияда «Тарихтың –сырлы шежіресін мұрағаттан біле аламыз», «Кітапхана – білімнің күн шуағы» атты баяндамасы және Қазақстан Республикасы Президенті мұрағатының ұйымдастырған «Ұлттық идея – отандастардың тәуелсіз Қазақстанның игілігі жолында бірігу факторы» тақырыбымен Қазақстан Республикасының Тәуелсіздігінің 20 жылдығына арналған халықаралық ғылыми – теориялық конференцияда «Қазақ тарихы – бәрімізге ортақ қазына» атты баяндамасы арқылы көптеген мәселелерге өз үлесін қосты.
Айдын Кеңесбайқызының тікелей қатысуымен және басшылығымен облыстық архивтегі құжаттарды бұқаралық ақпарат құралдары арқылы жарыққа шығару жұмыстары белсенді түрде жүргізілуде. Жыл сайын облыстық архивте 30-ға жуық мақала жарық көрсе, сонымен қатар, түрлі тақырыптарда радиохабарламалар оқылады.
Атап айтсақ: «Оңтүстік Қазақстан облысы ашаршылық жылдарында» мәселесі және оның мұрағат материалдарындағы көрінісі» мақаласы, Қазақстан Республикасы архив мекемелері туралы ақпараттық бюллетень жарық көрсе, «Ерлік мәңгі жадымызда», «Жеке тектік қор құжаттарын жинақтау маңызды іс», «Қазақстан мұрағаттары» журналында «Ресей Федерациясы Мәскеу қаласынан әкелінген құнды құжаттар», «Тәркілеу ақиқаты архив құжаттарында» атты мақалалары, «Оңтүстік Қазақстан облысының мемлекеттік архивінде «Электронды архив» жүйесін құрудың тәжірибелері» мақаласы; «Тарихтан-тағылым, өткенге-тағзым» мақаласы; «Ұлттың тұтастығы – ұлттық идеясында»; «Латын әліпбиіне көшу – қазіргі заман талабы» мақаласы; «Шаң басқан архивтерден табылармыз…» мақалалары мен баяндамалары республиклық және жергілікті басылымдарда үздіксіз жарияланып келеді.
Сондай – ақ, архивтік құжаттарды жарыққа шығару барысында көптеген кітапшалар мен жинақтарды құрастыруға өз үлесін қосып келеді.
Мәселен, «Отанын қорғаған қаһармандар», «Өлке жастары отты жылдарда», «Оңтүстік Қазақстан облысындағы тарихи мәдени ескерткіштер», «Қазақстандықтар Сталинград шайқасында», «Мырзашөл өңірін игеру тарихы туралы республикалық ғылыми – тәжірибелік конференцияға дайындалған мақалалар мен баяндамалар», «Отанын қорғаған қаһармандар», «Тәуелсіздік белестері», «Оңтүстік Қазақстан облысындағы мұрағат қызметінің басшылары», Оңтүстік Қазақстан облысындағы мұрағат қызметінің 85 жылдығына арналған «Ұлттың асыл қазынасы – мұрағатта» атты республикалық ғылыми-тәжірибелік конференцияға дайындалған мақалалар мен баяндамалар жинағы, «Оңтүстік Қазақстан облысының мемлекеттік мұрағатының қорларын толықтыру және пайдалану бойынша ғылыми – іздену жұмыстары» атты ғылыми – тәжірибелік конференцияға дайындаған мақалалар мен баяндамалар жинағы, «Оңтүстік Қазақстан облысының өткендері мен өткелдері», «Сырдария округіндегі тәркілеу науқаны» жинағы, «Архив ісіне 90 жыл» т.б. жинақтары халыққа ұсынылды.
Исатаева Айдын Кеңесбайқызы әріптестер арасында үлкен абырой, құрметке ие, ұжым алдында беделді, білікті, білімді басшы. Архив ісін дамытуға және архив саласындағы ұзақ жылғы жемісті еңбегі үшін, архив қызметінің құрылғанына 85 жылдық, 100 жылдық мерейтойларына орай Қазақстан Республикасы Байланыс және Ақпарат министрлігінің Ақпарат және мұрағат комитетінің Құрмет грамотасымен, «Ашаршылық ақиқаты (1932-1933жж.)» ғылыми-зерттеу жұмысына белсене атсалысқаны үшін Қазақстан Республикасы Білім және ғылым министрлігінің Ғылым комитеті Мемлекеттік тарихи институтының Алғыс хатымен, Кәсіподақ қозғалысының дамуына қосқан үлесі үшін «Қызмет» мемлекеттік, банк мекемелері және қоғамдық қызмет көрсету қызметкерлерінің Салалық кәсіподағының «Кәсіподақ қайраткері» медалімен марапатталды, облысқа сіңірген еңбегі үшін «Облысқа сіңірген еңбегі үшін» медалімен, «Қазақстан Тәуелсіздігіне 30 жыл» мерекелік медалімен марапатталған.
Қазақстан Республикасы Архив саласының үздігі!
Отбасылы, үш баланың анасы, аяулы ана, ардақты әже! Бүгін Құрметті әріптесіміз Айдын Кеңесбайқызының туылған күні! Әріптесімізге деніне саулық, отбасына амандық, еңбегінің жемісті болуына, арман-тілектерінің орындалуына тілектеспіз!
