Түркістан облысы қоғамдық даму басқармасы «Жастар ресурстық орталығы» КММ-і «Жастарға қызмет көрсету және NEET санатындағы жастармен жұмыс жүргізу» бөлімінің ұйымдастыруымен өңіріміздегі Сауран, Сайрам, Төлеби, Бәйдібек аудандарының мектеп түлектеріне «Серпін-2050» мемлекеттік бағдарламасы насихатталды, деп хабарлайды Түркістан облысының Өңірлік коммуникациялар қызметіне сілтеме жасаған 4tagan.kz ақпараттық агенттігі.
Аудандардағы кездесулерде арнайы солтүстік, шығыс өңірінен келген ЖОО өкілдері мен аудандық Жастар ресурстық орталығының мамандары бірлесе отырып, бітіруші түлектерге «Серпін-2050» мемлекеттік бағдарламасының маңыздылығын түсіндіріп, ашық форматта әңгімелесті.
Тарқата айтсақ, Павлодар КЕАҚ «Ә.Марғұлан» атындағы университеті, «Манаш Қозыбаев» атындағы Солтүстік Қазақстан университеті, «Сәрсен Аманжолов» атындағы Шығыс Қазақстан университеті, «Ы.Алтынсарин» атындағы Арқалық педагогикалық институты, «А.Байтұрсынов» атындағы Қостанай өңірлік университеті, Көкшетау қаласындағы «Шоқан Уәлиханов» атындағы Көкшетау университетінің мамандары аудандардағы мектеп бітіруші түлектерге білім беру бағдарламаларын таныстырып, көптеген мүмкіндіктер жайлы түсіндірме жұмыстарын жүргізді.
Алдағы уақытта басқа өңірлерден келген мамандар «Серпін-2050» мемлекеттік бағдарламасын түсіндіру мақсатында аудан, қалаларға іссапарын жалғастыратын болады.
