“Ордабасы» ұлттық тарихи – мәдени қорығының ұйымдастыруымен Ордабасы қорық-музейі тарапынан атқарылған жұмыстар және музейдің құрылғанына 30 жыл толуына орай шара өтті.
Жиында Ордабасы ауданы Қарабастау елді мекенінен кездейсоқ табылған ерте қола дәуіріне жататын құнды жәдігерлерді Алматы қаласындағы Ә.Марғұлан атындағы археологиялық институтымен бірлесе отырып жүргізілген ғылыми зерттеу жмыстарының нәтижелері жарияланды.
Ұзақ жылдар бойы Одабасы өңіріндегі археологиялық ескерткіштерді зертеп келген белгілі археолог, тарих ғылымдарының докторы, профессор А.Н.Подушкин қатысушыларға Ордабасы өңіріндегі археологиялық ескерткіштердің маңыздылығы туралы ақпарат берді.
Ғылыми зерттеулерді бірлесіп жүргізу үшін өзара сенім мен түсіністік негізінде ынтымақтастық пен әріптестікті кеңейту мақсатында Алматы қаласындағы Ә.Марғұлан атындағы археологиялық институтымен бірлескен меморандум жасалды.
Аудан әкімінің баспасөз қызметі
