Түркістан облысы, Арыс қаласындағы Арыс қалалық №3 балалар мен жасөспірімдер спорт мектебінде «Желтоқсан құрбандарын» еске алуға арналған тоғызқұмалақтан ашық біріншілік өтті.
Жасөспірім ұлдар мен қыздар арасында өткен додаға қаламыздан бөлек 8 ауданнан спортшылар қатысты. Шара достық қарым-қатынасты нығайту мен жасөспірімдердің спорт шеберлігін шыңдауға бағытталып отыр.
Спорттық шараның ашылу салтанатында қала әкімінің орынбасары Алмаз Сұлтанов пен Түркістан облысының аға бапкері Камила Көпбаева, сондай-ақ тоғызқұмалақтан әлемнің және Қазақстанның бірнеше дүркін чемпионы Асел Дәлиева сөз сөйлеп, спортшыларға сәттілік тіледі.
Қалалық мәдениет, тілдерді дамыту, дене шынықтыру және спорт бөлімі ұйымдастырған дода жоғары деңгейде өтті. Төрешілердің шешімімен орындар тағайындалып, жеңімпаздар анықталды. Жүлдегерлерге арнайы дипломы мен медальдар табысталды.
Түркістан облысы әкімінің баспасөз қызметі
