Түркістан облысының құрылғанына төрт жылдан асты. Түркістан қаласын абаттандыру және жасыл қалаға айналдыру бағытындағы жұмыстарға қала халқы дән риза.
Облыс орталығы әлеуметтік-экономикалық және архитектуралық орталыққа ғана емес, жасыл желегі жайқалған, экологиясы жақсарған шаһарға айналып келеді. Көгалдандыру жұмыстары тоқтаусыз жалғасып жатыр. Шаһардың көркеюі мен санитарлық тазалығы бойынша жыл сайын түрлі жоба қолға алынып, ауқымды жұмыстар атқарылуда. Күн сайын мекеме қызметкерлері санитарлық тазалау жұмыстарын жүргізуде.
Түркістанда жергілікті климатқа тез бейімделетін көшеттер мен көпжылдық шөптер, гүлдер гүлдейтін шөптерді өсіруге мән берілген. Атап айтқанда, шаһарда көлеңке беретін әрі тез өсетін қарағай мен акация ағаштары, үлкенжапырақты шегіршін, үйеңкі отырғызылған.
Мәселен, саябақтар, тынымбақтар мен көгалдарды тазалау, көше плиталары мен бордюрлерді қалпына келтіру, рұқсат етілмеген қоқыс тастайтын жерлерді жою: құрылыс қоқыстарын, қураған ағаштарды және т.б. шығару жұмыстары жасалуда.
Сонымен қатар, шаһарды көркейту – көгалдандыру бағытында жұмыстар үздіксіз жалғасын табуда.
