Шымкентте бұқаралық спорт қарқынмен дамып келеді.
Биыл ұйымдастырылған «Шымкент жастар лигасына» 6 мыңға жуық оқушы қатысты. Қазіргі уақытта лиганың ІІІ маусымы басталып, іріктеу кезеңі өтуде.
Спорт инфрақұрылымын дамыту мақсатында «Металлург» стадионын реконструкциялау, №12 спорт мектебі ғимаратына қосымша құрылыс және Бозарық ш.а. ауыр атлетика спорт кешені, «Медициналық колледжі» спорт залының құрылысы жүргізілуде.
Тағы бір айта кетерлігі, биылдың өзінде спорттық үйірмелермен жан басына шаққанда қаржыландыру арқылы 16 мыңнан астам бала қамтылды.
Жоғары спорттық жетістіктер бойынша қала спортшылары Қазақстан Республикасының, Азия, Әлем чемпионаттарында 688 алтын, 605 күміс және 641 қола медальдеріне ие болды. Ал футболдан әйелдер клубының «Шымкент – БИІК» командасы осы жылы да 11-ші рет ҚР чемпионы атанды.
Шымкент қаласы әкімдігінің баспасөз қызметі
