Бүгін Бәйдібек ауданының әкімі Ержігіт Шәріпбеков бекітілген жоспар кестесіне сәйкес Шаян ауылдық округінің тұрғындармен кезекті кездесуін өткізіп, ұсыныстары мен өтініштерін тыңдады.
Кездесу барысында тұрғындар тарапынан Шаян ауылынан коммуналдық тұрғын үйлер салынса, «ҚазТрансГаз» мекемесінің филиалы ашылса, Күлтөбе мөлтек ауданындағы ішкі көшеге тас төсеу, Көпқабатты тұрғын үйлерге бөлек ауыз су құбырлары жүргізілсе, М.Әуезов көшесінің бойындағы екі қабатты тұрғын үйдің алдындағы ойын алаңшасы ретке келтіру жөнінде ұсыныстары мен пікірлерін жеткізді.
Аудан әкімі Ержігіт Шәріпбеков тұрғындар тарапынан қойылған сұрақтарға жауап беріп, алдағы уақытта атқарылатын жұмыстар арнайы хаттама енгізіп, орындау жөнінде сала бойынша орынбасарлары мен бөлім, мекеме басшыларына және ауылдық округі әкіміне мерзімін белгілеп тапсырмалар жүктеді.
