Шымкентте 29 тамыздан бастап 2021-2025 жылдарға арналған ұлттық жоба шеңберіндегі 400 АЕК көлеміндегі (1 225 200 тг дейін) қайтарымсыз гранттар алуға өтінімдер қабылдау басталады.
Өтінімдер «Business.enbek.kz» порталы арқылы онлайн қабылданады. Қатысу үшін үміткер порталға электрондық цифрлық қолтаңба (ЭЦП) арқылы тіркеліп, өтінім береді.
Мемлекеттік грант қаражаты – ісін жаңа бастаған кәсіпкерлерге өздерінің бизнес-әлеуетін ашуға, өндірісті жолға қоюға және дамытуға, сол арқылы өзін тұрақты табыспен қамтамасыз етуге мүмкіндік береді. Әр қатысушы оны тек бір рет ала алады.
Өтінім беру үшін:
~Порталда тіркелу;
~грант алу шарттарына сәйкестігіне тексеруден өту;
~порталда көрсетілген бизнес-жоспар үлгісін жүктеп алып, оны толтыру және порталға енгізу (өз бетінше бизнес-план жарамайды);
~өтініш нысанын толтыру және ЭЦҚ кілтімен қол қою.
Интернетке немесе компьютерге қолжетімділік болмаған жағдайда, халықты жұмыспен қамту орталықтарының өзіне-өзі қызмет көрсету аймақтарында өтінім беруге болады.
Мемлекеттік грант алуға үміткер бола алады:
✓тіркелген жұмыссыздар;
✓29 жасқа толмаған, 3 жылдан кем дара кәсіпкер ретінде тіркелген немесе бірыңғай жиынтық төлемді төлеушілер;
Бұл ретте үміткер төмендегі әлеуметтік санаттардың бірінен болу керек:
~еңбекке қарсы көрсетілімдері жоқ мүгедектігі бар адамдар;
~қолданыстағы «қандас» мәртебесі бар адамдар;
~өңіраралық қоныс аударушылар
~атаулы әлеуметтік көмек алушылар, көп балалы отбасыларға және (немесе) оның жұбайына (зайыбына) төленетін жәрдемақы алушылар;
~мүгедектігі бар баланы тәрбиелеп отырған адам (жұбайы / зайыбы);
~асыраушысынан айырылу бойынша жәрдемақы алушылар;
-жастар (29 жасқа дейін).
Сонымен қатар, үміткердің «Бастау Бизнес» жобасы бойынша кәсіпкерлік негіздеріне оқыту туралы 3 жылдан аспайтын мерзімге сертификаты болуы тиіс.
Ескерту!
Өтінімдер 29 тамыздан 9-шы қыркүйекке дейін қабылданады(сенбі-жексенбі, яғни 3-4 қыркүйек күндерін қоспағанда).
Білгеніңіз абзал, белгіленген 616 азаматтан өтініш келіп түскен жағдайда, өтінімдер қабылдау тоқтатылады.
Жұмыспен қамту, «Бизнес бастау», мемлекеттік грант бойынша сұрақтарыңыз болса қалалық халықты жұмыспен қамту орталығы бөлімшелерінің байланыс телефондарына хабарласыңыздар.
АБАЙ АУДАНЫ БОЙЫНША ЖҰМЫСПЕН ҚАМТУ:8707 453 08 03
___________________
ЕҢБЕКШІ АУДАНЫ БОЙЫНША ЖҰМЫСПЕН ҚАМТУ:8775 299 66 20
_________________
ӘЛ-ФАРАБИ АУДАНЫ БОЙЫНША ЖҰМЫСПЕН ҚАМТУ:8702 934 80 41 (Whats app)
________________
ҚАРАТАУ АУДАНЫ БОЙЫНША ЖҰМЫСПЕН ҚАМТУ:8705 287 60 44
Жұмыс уақыты: дүйсенбі-жұма күндері аралығында, сағ 09.00-19.00 (түскі үзіліс сағ 13.00-15.00)
Түскі үзілісте және жұмыстан тыс уақытта мамандарға хабарласпауларыңызды сұраймыз.
Шымкент қаласы әкімдігінің баспасөз қызметі
