Бүгін ҚР Оқу-ағарту министрі Асхат Аймағамбетов облысымызға іс-сапар барысында Ордабасы ауданына қарасты Қажымұқан ауылдық округіндегі білім беру мекемелерінің жұмысымен танысып, ұстаздар қауымымен кездесті.
Темірлан жалпы орта мектебінің техникалық базасын аралап көрген сала министрі жас ұрпақтың сапалы білім алуы үшін жақсы шарт-жағдай жасау керектігін айтып өтті.
Сондай-ақ, аталған мектептің кітапхана мен денешынықтыру бағытындағы базасының жұмысымен танысты.
Айта кетерлігі, жұмыс жоспары бойынша Асхат Қанатұлы Отырар, Бәйдібек, Сауран аудандарындағы білім беру ұйымдарын аралап көреді деп күтілуде.
Ордабасы ауданы әкімдігінің баспасөз қызметі
