28 маусым — Бұқаралық ақпарат құралдары қызметкерлері күніне орай ұйымдастырылған «TURKISTAN BAQ —2022» байқауында ауданымыздың төл басылымы — «Ордабасы оттары» газеті жеңімпаз атанып, «Үздік аймақтық басылым» номинациясымен марапатталды.
Бұл – Ордабасылықтар үшін үлкен олжа, ортақ абырой.
Облысымыздағы аудандық басылымдардың арасындағы тарихы терең газет алғашында «Социалды жол», «Коммунизм таңы» — «Заря коммунизма» деген атаумен жарық көріп келген.
Сол жылдардың өзінде басылым ауданның өмір тынысы мен халықтың мұң-мұқтажын батыл айтып, өзі шығатын аймақтың көркем шежіресін жасай білді.
1992 жылдан бастап басылым атауы «Ордабасы оттары» қоғамдық-саяси апталық газеті деген атқа ие болды. Қазақ елі Тәуелсіздігінің арқасында басылымның осындай жарасымды атауға ие болуының өзі үлкен тарихи оқиға болатын.
Содан бері газеттің таралымы 6000 тиражға жетіп, ауданның әлеуметтік-экономикалық және мәдени дамуына үлесін қосып келеді.
Қадірлі «Ордабасы оттары» ұжымы!
Халықты шынайы ақпаратпен қамтамасыз етуде аянбай атқарған еңбектеріңіз үшін шынайы алғыс сезімімді білдіре отырып, ұжымдарыңызға зор денсаулық, бақ-береке, таусылмас қуаныш пен шығармашылық шабыт тілеймін!
Мереке құтты болсын!
Ордабасы ауданы әкімдігінің баспасөз қызметі.
