Ордабасы аудандық санитариялық-эпидемиологиялық бақылау басқармасының мамандары ауданда орналасқан сауда орындарында тамақтан улану және ботулизм ауруының алдын алу бойынша санитариялық түсіндіру жұмыстарын жүргізді.
Кәсіпкерлерге , тұрғындарға ботулизмнің қоздырғышы С.botulinum анаэробты жағдайда көбінесе ауа жоқ жерде көбейетінін, әсіресе дұрыс жабылмаған банкілерде, үй жағдайында консервіленген азықтарда, баялды (баклажан), қияр, саңырауқұлақ, балық, салаттарда көптеп кездесетінін, адамның зақымдануы көбінесе үй жағдайында дайындалған консервілердің, шұжықтардың, қақталған балықтардың т.б. токсиндермен зақымдалған тағамдарды пайдаланғанда ауыратыны түсіндірілді.
Ботулизмнің алдын алу жолдары:
қақпағы көтерілген, түсі бұзылып, иісі шыққан банкілерді жедел түрде жою қажет, тіпті дәмін де татуға болмайтынын;үй жағдайында консервіленген салаттар, саңырауқұлақ, қияр, қақталған балық, окорокты т.б базардағы және көшелердегі сатып жүрген белгісіз адамдардың қолынан сатып алмауды;сатып алынған өнімдерді топырақтарын тазалап, ағынды судың астында бірнеше рет тазалап жуу қажеттігін;банкілерді, қақпақтарды, стерилизациялау әдісіне аса назар аудару қажеттігін;өнімдерді консервілеудің режимін сақтау, сірке немесе лимон қышқылын міндетті түрде пайдалану қажеттігі түсіндірілді.
Басқарма мамандары тарапынан кәсіпкерлерге және тұрғындарға тамақтан улану және ботулизм ауруының алдын алуы туралы парақшалар мен жаднамалар таратылды.
