Диктор: Ауыл шаруашылығындағы мәселе жер басында шешілетін болды. Ордабасы ауданында қоғамдық қабылдау өткізген облыстық мәслихаттың депутаты Дулат Әбіш сайлаушыларымен кездесіп, өзекті мәселелерін тыңдады.
Ксм: Аманат партиясының филиалында өткен қоғамдық қабылдауға алдын ала үш азамат жазылған. Тізім бойынша алдымен Кемер ауылының тұрғыны Бахарам Мұхаммеджан келді. Ол ауыл шаруашылығы мақсатындағы 220 гектар жерге сапасыз ұңғыма қазылғанын, соның салдарынан егінге қажетті су шықпай жатқанын жеткізді.
Снх:
Ксм: Сондай-ақ, аудан тұрғыны Полат Мұхтарұлы өз қаражатына ұңғыма қаздырып, енді оны электр желісіне қосуға көмек қажет екенін жеткізді.
Үшінші азамат Арыслан Берікбайұлы ауыл шаруашылығына арналған жерге қосымша жаңа ұңғыма салуға мемлекет тарапынан қолдау болса деген өтінішін білдірді.
Азаматтар көтерген басты мәселе — ауыл шаруашылығына қатысты болды.
Депутат қоғамдық қабылдаудың мақсаты – ауылдағы шаруалардың мәселесін тек қағаз жүзінде емес, нақты жерге барып қарап, шешімін бірге табу деді. Айтуынша, тұрғындар көтерген әрбір мәселе бақылауға алынып, тиісті сала мамандарымен бірлесіп шешімін табуға бағытталады.
Снх:
Ксм: Мәселенің өзектілігін ескерген халық қалаулысы алдағы аптада шаруалар және аудан әкімінің орынбасары Мейрамбек Ақмұратовпен бірге жердің басына барып, жағдайды көзбен көріп, баламалы шешу жолдарын қарастыруға келісті.
Сондай-ақ, мәселе бойынша «ҚазСуШар» мекемесінің облыстық филиалының мамандары да тартылатын болады.
Кемер ауылының шаруалары көтерген мәселе назарда
Бүгін Ордабасы ауданында қоғамдық қабылдау өткіздім. Кездесуге алдын-ала 3 азамат жазылыпты. Қабылдауға Кемер ауылынан үш азамат келіп, ауыл шаруашылығы бағытындағы өзекті мәселелерін айтты.
Кемер ауылының тұрғыны Бахарам Мұхаммеджан ауыл шаруашылығы мақсатындағы 220 гектар жерге сапасыз ұңғыма қазылғанын, соның салдарынан егінге қажетті су шықпай жатқанын жеткізді.
Аудан азаматы Жақсылық Полат Мұхтарұлы өз қаражатына ұңғыма қаздырып, енді оны электр желісіне қосуға көмек қажет екенін айтты.
Үшінші азамат Арыслан Берікбайұлы ауыл шаруашылығына арналған жерге қосымша жаңа ұңғыма салуға мемлекет тарапынан қолдау болса деген өтінішін білдірді.
Бұл — ауыл шаруашылығымен айналысатын Кемер ауылы тұрғындары үшін өте маңызды мәселе. Сол себепті, алдағы аптада аудан әкімінің осы салаға жауапты орынбасары Мейрамбек Ақмұратовпен бірге жердің басына барып, жағдайды өз көзімізбен көріп, шаруалармен баламалы шешу жолдарын бірлесіп қарастыруға келістік. Аталған мәселе бойынша «ҚазСуШар» мекемесінің облыстық филиалынан да жауапты мамандар шақырылмақ.
Халықтың ұсынысы мен өтініші — әрқашан назарда.
Мақсат – мәселені бірге талдап, нақты нәтижеге қол жеткізу.
