Түркістан облысы Төтенше жағдайлар департаменті мен қоғамдық даму басқармасы, “Жастар орталығы” КММ бірлесіп, мобилдік еріктілер тобын құру бойынша ресми кездесу ұйымдастырды.
Іс-шараның мақсаты – төтенше жағдайлардың алдын алу жұмыстарына жастарды тарту, азаматтық қорғаныс бағытында ерікті қозғалысты жандандыру, қауіпсіздік мәдениетін қалыптастыру және мобилдік еріктілер тобының тұрақты жұмысын жолға қою.
Кездесуге қатысқандар:
Түркістан облысы Төтенше жағдайлар департаменті Азаматтық қорғаныс басқармасының аға офицері, майор Айткулов Ораз Шералиевич
Психологиялық қызмет тобының бас маманы-психолог, азаматтық қорғау аға лейтенанты Гүлфаризада Нұрғазықызы Нақыпбекова
Кездесу барысында талқыланған мәселелер:
Еріктілердің төтенше жағдайлар кезіндегі іс-қимылы
Азаматтық қорғаныстағы жастар рөлі
Психологиялық тұрақтылықты сақтау әдістері
Ақпараттық-түсіндіру жұмыстарын ұйымдастыру жолдары
Нәтижесінде:
Жастар арасынан бастамашыл топ құрылып, мобилдік еріктілер қызметін дамытуға бағытталған нақты жоспар бекітілді. Бұл топ алдағы уақытта облыс аумағында төтенше жағдайлардың алдын алу, алғашқы көмек көрсету және тұрғындармен түсіндіру жұмыстарын жүргізу бойынша белсенді жұмыс жүргізетін болады.
Бұл бастама – өңірдегі қауіпсіздік деңгейін арттыруға және жастардың әлеуметтік белсенділігін дамытуға бағытталған маңызды қадам болып табылады.
