Қазіргі таңда белгісіз адамдар лауазымды тұлғалардың және басқа да азаматтардың атынан жалған белгісіз тұлғалар тарапынан жалған ақпарат таратып, әлеуметтік желі парақшасын ашып, фотосын қойып, аты-жөнін жазып, тұрғындарға түрлі хабарламалар жіберуі жиіледі. Белгісіз нөмірлерден немесе әлеуметтік желілер арқылы әкімдік қызметкерлерінің атын пайдаланып байланысқа шығу жағдайлары анықталуда. Бұл – алаяқтық әрекет!
Тіпті, вотсап желісі арқылы қиын жағдайға душар болғанын, мысалы шұғыл ауруханаға түстім, жол-көлік апатына тап болдым, тағы сол сияқты жағдайларды айтып, тез арада қомақты көлемде ақша аударуын өтінеді. Жәбірленуші азамат жағдайды қалыпқа келтіргенше, алаяқ біраз адамды сан соқтырып кетуі әбден мүмкін.
Түркістан облысы әкімдігінің ресми ақпараттық арналары – тек ресми сайт пен әкімдіктің әлеуметтік желідегі парақшалары бар. Басқа аккаунттармен ешқандай байланыс жоқ! Барлық ресми мәліметтер әкімдіктің аталған парақшаларында жарияланады.
Ескертеміз! Облыс әкімдігі мен оның өкілдері тек ресми байланыс арналары арқылы ақпарат таратады. Егер сізге күмәнді хабарлама келсе немесе әкімдік қызметкерінің атынан кездесу немесе басқа да мәселелер бойынша сұраныс түссе, алдымен оның шынайылығын тексеріп алуды сұраймыз.
Осы орайда Сіз:
— Жалған аккаунттарды елемеңіз және жауап бермеңіз;
— Дүрбелеңге салынбаңыз, жағдайға салқынқандылықпен қараңыз;
— Бөгде адамдарға жеке мәліметтеріңізді жолдамаңыз және ақша аудармаңыз:
— Мұндай жағдайға тап болсаңыз, әкімдікке немесе құқық қорғау органдарына хабарлаңыз;
— Жақындарыңыз бен таныстарыңызды да ескертіңіз.
Тұрғындарды тек ресми ақпарат көздеріне сенуге шақырамыз!
Өздеріңізді алаяқтық әрекеттерден сақтаңыздар!
