Қашанда тәрбие мәселесі басты орында. Жалпы балалардың жақсы білім алып қана қоймай, қоғамға үлесі тиетін үлгілі, тәрбиелі азамат болып қалыптасуы үшін тиісті іс-шара жоспары жасалған.
Мемлекет басшысы Қасым-Жомарт Тоқаев Жолдауында елде құқықтық сауаттылықты арттыру қажеттігіне баса мән берген болатын. Әсіресе отбасында болатын зорлық-зомбылықты қылмыс ретінде қарау да күн тәртібіне қойған болатын.
Президентіміз Түркістан қаласында өткен құрылтайда «Жас ұрпақтың, әсіресе, қазіргі құбылмалы заманда сыни тұрғыдан ойлай білуі маңызды. Балаларымыздың танымы кең болуына жағдай жасауымыз қажет.
Бүгін Түркістан қаласы әкімінің орынбасары Мекенхан Қозыханұлының төрағалығымен қала әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті. Жиналыста күн тәртібінде өзекті деген бірнеше мәселе қаралды.
Өз кезегінде комиссия төрағасы Мекенхан Қозыханұлы кәмелетке толмаған жасөспірімдердің қауіпсіздігі, құқықтарының қорғалуы жауапты мекемелердің ұдайы назарында болуы қажеттігін айтып, нақты тапсырмалар жүктеді.
Балалық шақ мемлекеттің қорғауында, бұған еліміздің басты Ата заңы – Конституция кепілдік береді.
Мемлекеттің әлеуметтік саясатының басым бағыттарының бірі – кәмелеттік жасқа толмағандар арасында және оларға қатысты құқық бұзушылықтардың алдын алу, оның ішінде теріс қылықтар жасау үшін жағдайларды анықтау және жою бойынша тәрбиелік, ұйымдастырушылық, құқықтық, экономикалық шараларды жүргізу болып табылады.
Кәмелетке толмаған жас – әртүрлі қылмыс жасаған адамдар қолданатын шарт ретінде көрінеді, өйткені балалар олардың алдында және ең алдымен көптеген психологиялық аспектілерге байланысты дәрменсіз болып табылады.
