Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауында, Мен сайлау алдындағы бағдарламамда «Ғылым және технологиялық саясат туралы» заң қабылдау туралы бастама көтерген едім. Қазір әзірленіп жатқан заң жобасында экономикамызды ғылым мен инновацияға сүйене отырып дамыту логикасының көрініс табуы өте маңызды. Оқу орындары түлектерге жұмыс бере алатын мекемелермен ұзақ мерзімге арналған әріптестік орнатуы қажет екенін айтып өткен болатын.
Түркістан облыстық білім беруді дамыту орталығының «Инновация және стратегиялық жоспарлау» кафедрасының ұйымдаструымен Түркістан облысының «Көшбасшы» өңірлік мектеп директорлары қауымдастығының «Мектепті басқару жүйесіндегі қоғамдастық байланыстың жаңа модельдері» тақырыбында конференция өтті. Өңірдегі білім саласының қызметкерлері қатысқан басқосуда Португалия және Испания елінен келген ұстаздар, Гранада университетінің профессорлары өз тәжірибелерімен бөлісті.
Конференция мақсаты – білім беру ұйымдарын басқаруды ғылыми-әдістемелік тұрғыдан жетілдіру арқылы заманауи көшбасшының кәсіби құзыреттілігін арттыру.
Жиында директорлар кеңесінің мүшесі, заңгер, әлеуметтік ғылымдар магистрі, ұлттық және Еуропалық деңгейдегі жобалардың аға кеңесшісі және бағалаушы Мария Мартинес Гонсалес қазіргі кезеңдегі адам ресурстарын және олардың инновациялық әлеуетін дамыту туралы кеңінен тоқталды. Ал Джоана Анрикес де Оливейра мектепті басқаруда әр түрлі секторлармен және жергілікті қоғамдастықпен байланыс орнатуда, жоба жұмыстарын жүзеге асыруда, жағымды және ынталандырушы орта құруда бірлесіп жұмыс жасауға ынталы екенін жеткізді.
«Көшбасшы» өңірлік мектеп директорлары қауымдастығының мүшелері шет мемлекеттерден келген ғалымдармен білім беру саласындағы өзекті мәселелер туралы ой қозғап, пікір алмасты. Халықаралық деңгейде тәжірибе жинап, білімімді шыңдаймын деген азаматтарға мүмкіндік көп екені айтылды. Енді облыс ұстаздары Еуропалық тәжірибені өңір мектептерінде кеңінен қолданбақ.
