Зиянкес-алаяқтар кез-келген нәрсеге бейімделеді

Қазіргі таңда қоғамда алаяқтық деректері күрт өсуде.
Алаяқтық — яғни бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену болып табылады.
Дегенмен, жалпыға бірдей цифрландыру уақытында алаяқтық деректері компьютерлік технологиялар мен әлеуметтік желілерді қолданып, яғни ғаламтор желісі мен құрылғылары арқылы жасау кеңінен белең алуда.
Солардың бірі ғаламтор арқылы жасалатын онлайн алаяқтық. Алаяқтар өз әдістерін жүзеге асыру мақсатында пайдаланушыларды алдау үшін жалған сайттарды қолданады. Сатылымға шығарылған тауарларды арзан бағаға беру үшін қаражаттың бір бөлігін алдын-ала аударуын өтініп, тиісті қаражат аударылған соң байланысқан ұялы телефондарын өшіріп, хабарсыз кетеді.
Сондай-ақ, қоңырау шалу немесе СМС-хабарландыру арқылы ұялы операторлардың абоненттеріне белгісіз тұлға қоңырау шалып және белгілі компанияның қызметкері ретінде өзін таныстырып, абоненттен ақшалай аударымдар жүйесі бойынша ақшалай қаражатты аудару арқылы алаяқтың шотына толықтыруға бағытталған бірқатар әрекеттерді орындауды сұрайды. Алаяқтық әдістері мұнымен ғана шектелмейді.
Сондықтан, белгісіз тұлғаларға ақшалай аударымдарды жүзеге асырмауға немесе тауарлар мен қызметтерге, оларды алғанға дейін төлем жүргізбеуге, аударымның бақылау нөмірін немесе аударым туралы қандай да болмасын ақпаратты Сіз, жеке басын куаландырған алушыны қоспағанда, белгісіз адамға хабарламауға кеңес береміз. Нарықтық бағадан маңызды төмен бағалар немесе сатушыға тым пайдасыз шарттар бойынша автомобиль, электрондық және өзге де техниканы сату немесе қызметтерді көрсету туралы хабарландырулар күмән тудырса ақпаратты мұқият тексергеніңіз жөн.