Кентау қалалық ішкі саясат бөлімінің ұйымдастыруымен өткен кездесуде Қарнақ ауылының тұрғындарына алаяқтық – алдау, сенімге қиянат жасау жолымен бөтен мүлікті ұрлау секілді құқық бұзушылықтардан аулақ болу жайлы насихат жұмыстары жүргізілді.
Кездесуге ардагерлер ұйымының мүшесі Б.Таиров және ауыл тұрғындары қатысты. Кентау қалалық әлеуметтік қызмет көрсету орталығының заңгері Г.Таубаева өз сөзінде құқық бұзушылық — қоғамға зиян келтіретін және заң бойынша жазаланатын қоғамға қарсы әрекет екендігіне толық тоқталып өтті. Құқық бұзушылықтар үшін заңмен тиісінше әкімшілік, азаматтық құқықтық, тәртіптік және қылмыстық жауапкершілік қарастырылғандығы түсіндірілді.
Алаяқтық — өзгенің мүлкін жымқыру, алдау немесе сенімді теріс пайдалану жолымен бөтен мүлiкке құқықты иемдену секілді жәйттар кездессе бізге хабарлаңыздар деді Кентау қалалық полиция бөлімі ЖПҚБ-нің УПИ полиция майоры М. Байдилдаев.
