Бүгін Түркістан қаласының “Түркістан жоғары көпсалалы қолөнер колледжінде” жастармен кездесу өтті. Лудомания мен қаржылық алаяқтыққа қарсы күресте белсенді жастарды жұмылдыру мақсатында өткізілетін «Қаржылық сауаттылық: жарқын болашаққа жетелейді» атты кездесуде колледжі студенттері өз ойларында жүрген сауалдарды жолдап, жиынға келген спикерлерден сол сауалдарына тиісті жауаптарын ала алды. Ішкі саясат бөлімі «Жастар ресурстық орталығы» КММ-нің ұйымдастыруымен өткен бұл басқосуға жалпы саны жүзге жуық жастар қатысты. Сонымен қатар, аталған іс-шараға Полиция лейтенант аумақтық жасөспірімдер ісі жөніндегі учаскелік полиция инпекторы Жолдас Дархан,
Түркістан қалалық полиция басқармасы,криминалдық полиция бөлімінің аға жедел уәкілі,полиция аға лейтенаты Алтан Нуртаза, және Түркістан облысы бойынша Экономикалық тергеп-тексеру департаментінің қызметкері Ермахан Мырзабай қатысып, жастардың лудомания сынды қоғамның дертіне айналып тұрған өзекті мәселеден бойларын алшақ ұстау керектігін баяндады. Қоғамда үлкен дертке айналған бұл мәселемен күрес әлі де жалғаса бермек. Әр аптаның бір күнінде осындай жастармен кездесу арқылы және олардың бойындағы сан алуан сұрақтарына ашық жауап беру арқылы бұл дертті де жеңеміз деген сеніміміз мол.
