Боттар компьютерлік бағдарламалардың кез-келген тапсырманы орындауы үшін бағдарламаланған қосымшалары. Боттар автоматты түрде жұмыс істейді, яғни олар өздеріне берілген тапсырманы бағдарламаның көмегімен жүзеге асырады. Бұған адамның араласуының қажеті жоқ. Бұл туралы minber.kz сайтына сілтеме жасаған 4tagan.kz жазады.
САЯСИ БОТТАР
Өкінішке қарай, боттар тек бизнесте ғана қолданылмайды, бүгінде саяси алаңның көрігін қыздыру, әкім қаралардың оң имиджісін қалыптастыру, қоғамның назарын маңызды оқиғадан аударып әкету, қоғамдық сананы қалыптастыру, Үкіметтің жұрт ұнатпаса да жүзеге асырғысы келетін шараларын насихаттау үшін боттарды пайдалану кең етек алды. Бұл боттар шын мәнісінде нағыз адамдар болуы мүмкін. Бірақ, бұларды жанды роботтар десе болады. Өйткені, олар біреудің жазып берген комментін таратып отырады, фейк аккаунттар ашады, өздерінің жеке пікірлері болмайды және ақшаға қызмет етеді.
Назарларыңызға www.zakon.kz сайты жасаған мына бір қызық зерттеуді ұсынайын.
Мәселен, Қазақстанда қазір аса танымал болып келе жатқан Телеграм каналындағы пайдаланушыларға жасалған анализде телеграмдағы танымал аккаунттардың жазылушыларының басым бөлігі анықталған. Айталық, Telegram сегментінде алғашқы болып тіркелген Мұхтар Аблязов “ДВК активист” деген канал ашады. Кибершабуылдарды талдау және зерттеу орталығы (ЦАРКА) жүргізген анализге сүйенсек, оның жазылушыларының көбі «өлі жандар» болған.
Барлық жазылушылардың 50% хабарламасын бар жоғы 300 пайдаланушы ғана дайындап отырған.
