Түркістанда аз қамтамасыз етілген және мүмкіндігі шектеулі азаматтарды әлеуметтік қолдау шаралары жүйелі түрде жүргізіліп келеді. Мәселен, 2023 жылдың 11 ай қорытындысымен 3 248 отбасыға атаулы әлеуметтік көмек тағайындалған. Сондай-ақ, 5 973 аз қамтылған отбасыдағы балаға азық-түлік және тұрмыстық жиынтық заттар үлестірілген. Одан бөлек, екі Ұлы отан соғыс ардагері мен 416 Ауған соғыс ардагеріне, 369 тыл еңбеккеріне әлеуметтік көмек көрсетілді. Сонымен қатар, 5 839-дан астам мүмкіндігі шектеулі азаматқа жүйелі түрде әлеуметтік көмек көрсетілуде.
Аз қамтылған отбасылардың өмір сүру сапасын жақсарту және ынталандыру мақсатында облыс орталығында «Қамқорлық» жанұя орталығы өз жұмысын бастаған болатын. Бүгінде орталықта «Қадам» білім беру жобасы арқылы 275 азаматша білім алып, 112-сі оқу курстарын аяқтаған. Ал, «Нәтиже» әлеуметтік жобасы арқылы 115 тұрғын тұрақты жұмыспен қамтылып, 118-і өз кәсібін ашқан.
