Бірлік пен татулық мекені Ордабасы ауданында 1 Наурыз-Алғыс айту күні кең көлемде аталып өтілді.
Бұл- күрделі заманды иық тіресе бірге еңсеріп, қысқа мерзім ішінде елімізді, өңіріміз бен ауданымызды жан-жақты дамыту жолында аянбай тер төккен азаматттардың бір-біріне құрмет білдіретін күн.
Осынау қуанышты шараға аудан әкімі Нұрбек Бадырақов арнайы қатысып, қазақстандық патриотизмнің, достық пен бірлігіміздің мызғымастығын ұлықтап жүрген ордабасылықтарға шынайы құттықтауын жеткізді.
Мерекелік шараның басы түрлі ұлт өкілдерінен құралған балалардың, жастардың алғыс айту шарасымен бастау алды.
Сондай-ақ ауданда тұрып жатқан ұлт өкілдерінің ұлттық тағамдары дайындалып, келушілерге ұсынылды.
Ал, аудандық мәдениет үйінің өнерпаздары тағдырдың тәлкегімен Қазақстан жеріне еріксіз қоныс аударған түрлі этностардың құтты қонысына айналған қасиетті қазақ жері мен қонақжай қазақ халқы туралы қойылым қойып, ән-жырдан шашу шашты.
Қазіргі таңда аудандағы 57 елді мекенің 16-сында төрт мыңнан астам 18 ұлт өкілдері тату-тәтті өмір сүріп келеді. Сонымен қатар ауданда славян, түрік және күрді этно мәдени орталығы, Қазақстан халқы ассамблеясының Ақсақалдар кеңесі, аналар кеңесі жұмыс жасайды.
Аудан әкімінің баспасөз қызметі
