Аудан әкімі Нұрбек Бадырақовтың төрағалығымен аппараттық жиын өтті.
Алғашқы болып баяндама жасаған аудандық кірістер басқармасының басшысы У.Қалмұратов жыл қорытындысы бойынша салық жоспарының орындалуына тоқталса, аудандық экономика және қаржы бөлімінің басшысы А.Сихымбаева салық түрлерін өндіру жұмыстарына салғырт қараған ауыл округтерін атап, әріптестерін тиісті жұмыстарды жандандыруға шақырды. Сондай-ақ аппараттық жиында Бөржар ауыл округ әкімі аудан басшысының бөржарлықтармен болған кездесуіндегі көтерілген мәселелердің шешілу барысын баяндады.
Өз кезегінде аудан әкімі аталған мәселелердің қатаң бақылауда тұрғандығын айтып, ауыл әкімдеріне, тиісті бөлім басшыларына жұмысты сөзбен емес, іспен көрсету керектігін ескертті.
Аудан әкімінің баспасөз қызметі
