Елімізде қазан айының екінші жексенбісі «Мүгелектер күні» болып бекітілген. Осыған орай, Кентау қаласында мүмкіндігі шектеулі азаматтарға құрмет көрсетілді. Дастархан басына жиналған жандарға қала әкімінің орынбасары Ақнұр Байболова жылы сөзін жеткізді. Салтанатты шарада мүмкіндігі шектеулі бола тұра қоғамға белсене араласып жүрген бірқатар азаматтарға қала әкімінің алғыс хатын табыстады.
«Бұл күннің маңыздылығы мүмкіндігі шектеулі жандардың проблемаларын, құқықтарын қорғау мәселесіне қоғам назарын аудару, өздеріңізді қоғамдық, әлеуметтік, мәдени, саяси өмірге белсенді араластыруға бағытталған. Осы тұрғыда мемлекетт тарапынан Сіздердей жандарға қолдау көрсету үнемі назарда», деді.
Жиында «Amanat» партиясы Кентау қалалық филиалының атқарушы хатшысы Арман Басаровта мүмкіндігі шектеулі жандарға жақсы тілегін жолдап, алғыс хаттармен марапаттады.
Республикалық «Қамқор-сыбаға, мүгедектер қоғамы» қоғамдық бірлестігінің төрағасы Д.Жүсіпов барлық тағдырлас жандардың атынан ұйымдастырушыларға алғыстарын білдірді.
Жиында қоғамдық бірлестіктердің мүшелері әзірлеген концерттік бағдарлама ұсынылды. Әсем әуендер шырқалып, көпшілікті тебірентер қойылымдар қойылды. Қара өлеңмен көмкеріп, мың бұралған билер жиынға қатысушыларға көтеріңкі көңіл күй сыйлады.
