Кентау қаласының әкімі Жандос Тасов қаладағы Жылу маусымына дайындық бойынша жүріп жатқан жұмыстардың барысын бақылады. Қала тұрғындарымен кездесу барысында үнемі көтерілетін мәселенің бірі жылу жайы болатын.
Бүгінгі таңда, №5 ЖЭО-ның №7,11,12 қазандықтарын және электр қондырғыларын, №3 турбоагрегатына ағымдағы жөндеу жұмыстары атқарылды. Қазіргі таңда, №8 қазандығын жөндеу мен жылу желілерін ауыстыру жұмыстарын жүргізу үшін «№ 8 қазандықты қалпына келтіру-жөндеу жұмыстары және ЖЭО-5 жылу желісін ағымдағы жөндеу» жұмыстарын атқаруға мердігер мекеме «Стройцентр 2010 » ЖШС мен келісім шарт түзіліп, тиісті жұмыстар жүргізілуде. Жұмыстарды ағымдағы жылдың 20-шы қазанына дейін аяқтау жоспарланған.
Қаладағы жылу құбырларын орап-ықшамдау жұмыстарын жүргізу үшін «Кентау қаласының зақымдалған учаскелерінің жылу трассасының оқшауламаларын қалпына келтіру» жұмыстарын атқаруға мердігер мекеме «Қыран құрылыс компаниясы» ЖШС мен келісім шарт түзіліп, тиісті жұмыстар атқарылуда.
Қала басшысы Жандос Қалмұрзаұлы: «әрбір жасалынып жатқан жұмыс жүйелі әрі сапалы атқарылу қажет. Бұл жеңіл қарай салатын іс емес. Ертең осы жұмыс арқылы қаланың басым бөлігі сапалы жылу алу қажет. Бар ынталарыңызды сала отырып жұмысты жүйелі атқару қажетсіздер»,-деді. Тиісті сала басшысына жасалынып жатқан жұмыстарды қатаң бақылауда ұстауды тапсырды.
Айта кетейік, бүгінгі таңда Жылу орталығының қоймасына 14 500 тонна қатты отын әкелінді. Сондай-ақ 2022-2023 жылдардағы жылу маусымын ағымдағы жылдың 25-27 қазан аралығында бастау жоспарланған.
