САРЫАҒАШ АУДАНЫНЫҢ ӨНІМДЕРІ САУДАЛАНУДА

Ел ордасы Нұр-Сұлтан қаласында Түркістан облысының ауыл шаруашылығы өнімдерінің жәрменкесі өтуде. Жәрмеңкеде Нұр-Сұлтан қаласының тұрғындары мен қонақтарына ауданнан 36,5 тоннаны құрайтын ауыл шаруашылығы өнімдері 15-20% төмен бағада ұсынылған. ҚР Конституциясы күні мерекесіне орай, Сарыағаш ауданы әкімдігі ұйымдастырған жәрмеңкеде 2 жүк көлігімен жеткізілген 9 тауар өндірушінің өнімдері саудалануда.
Дәстүрлі жәрмеңкеге 8,5 тонна көкөніс, 3 тонна картоп, 15,0 тонна бақша өнімдері, 10,0 тонна жеміс-жидек өнімдері мен 10 мың дана жұмыртқа өнімдері жіберілді. Бұл керуен ауданда ерте піскен жемісті ел астанасындағы халыққа арзан бағамен сату мақсатында ұйымдастырылды.