Бүгін Бәйдібек ауданының әкімі Ержігіт Шәріпбеков жұмыс сапармен Жамбыл елді мекеніне бар «Ауыл ел бесігі» жобасы бойынша атқарылып жатқан жұмыстардың барысын бақылады. Ержігіт Шәріпбекұлы мердігер мекеменің басшысымен кездесіп, жүргізіліп жатқан жұмыстың сапасына мән беріп, өндірістік кестеге сәйкес мерзімінде аяқтауды, атқарылып жатқан жұмыстарға бақылау жүргізуді жауапты бөлім мен ауыл әкіміне тапсырды.
Жалпы «Ауыл-Ел бесігі» жобасы аясында республикалық бюджеттен бөлінген қаржыға Жамбыл елді мекеніндегі ұзындығы 6,8 шақырым болатын 6 ішкі көшелерінің жолдарына (Құнанбаев, Кертайұлы, Жағалау, Айнақожа, Бейбітшілік, Уалиханов) орташа жөндеу жұмыстары жүруде. Жолдардың жиегіне суағарлар орнатылып, аяқ жолдар төселетін болады. Аталған 6 ішкі көшелерінің жолдарына орташа жөндеу жұмыстары ағымдағы жылы аяқталып пайдалануға беру жоспарланған.
