Кентау қаласының әкімі Жандос Тасов қаладағы «Болашақ», 68 квартал мөлтек аудандары мен Т.Рысқұлов 118 тұрғындарымен кездесті. Кездесуде тұрғындар тарапынан көтерілген мәселелерді тыңдады.
Қала күн сайын көркейіп, дамып келе жатса да, бұл аймақтардағы тұрғындарды мазалайтын мәселелер әлі де бар. Басым бөлігі инфрақұрылым мен қаланың бүгінгі келбетіне қатысты. Тұрғын үйлерді газға қосу, интернет желісінің төмендігі, ауыз судың жетіспеушілігі, көшедегі құбырлардың беттерінедегі қақпақтардың ашық қалуы, жарықшамдарды реттеу, аулаішілік жолдарды жөндеу туралы бірқатар мәселелер көтерілді. Айтылған сұрақтарды тыңдаған қала әкімі жергілікті тұрғындарды алаңдатқан мәселелерге егжей-тегжейлі тоқталып, түйінін шешуге күш салатынын жеткізді.
Кездесу соңында қала басшысы Жандос Тасов көтерілген мәселелерді шешу үшін тиісті мекемелерге тапсырма беріп, барлығын өз бақылауына алатынын, сондай-ақ, ел игілігі үшін жасалған және алда жасалатын жұмыстарға тұрғындар тарапынан да жанашырлық болуы қажеттігін атап өтті.
Алдағы уақытта қала әкімі қаланың өзге де мекен-жайдағы тұрғындарымен кездесуін жалғастырады. Айта кетсек, қала әкімі бұған дейін қалаға қарасты ауыл аймақтардың тұрғындарымен және бірнеше мөлтек аудан тұрғындарымен кездескен болатын.
