Кентауда егін мен бау-бақшадан бөлек мал шаруашылығы да заман талабына сай дамуда. Сонымен қатар, мал тұқымын асылдандыру арқылы етке деген сұранысты қамтамасыз етуге болады. Сондықтан шаруа қожалықтарының басым бөлігі осы бағытты қолға алған. Соның бірі – Қарнақ ауылдық округінде орналасқан Сұлтанбек Тоқтамұраттың шаруақожалығы.
Қарнақтық Сұлтанбек Тоқтамұраттың қорасында тұрған сиырлардың салмағы алғашқыда 100-келі ғана болған. 3 мезгіл жем шөбін беріп, қысқы мезгілге байлап дайындауда. Әбден бапталып, етке дайындалған уақыттарда салмағы 220 келі береді дейді шаруа.
Шаруа алғашқыда 3 сиырдан бастаған. Кейін оның саны 25-ке жетіпті. Оның көбін сойып, етін Түркістан, Кентау қалаларына өткізген. Әсіресе, күзде етке деген сұраныстың артатынын айтады. Алдағы уақытта қора салып, мал басын 40-қа жеткізуді көздеп отыр. Мемлекеттен ешқандай несие алмай-ақ, кәсіпкер мұның барлығына өз күшімен жетіп отыр.
«Сиыр бағып, оны сойып сату әжептеуір пайда әкеледі дейді ол. Қазір еттің нарықтағы бағасы 2400 теңге. Жем шөбі, басқасын қоспағанда таза қолда 100 мың теңге қалады» табысымыз күн көріске жеткілікті дейді шаруа.
Қарнақ ауылында бүгінгі таңда 10 мал бордақылау алаңы бар. Ауыл тұрғындарынан 3-4 қожалық бірігіп 300-340 асыл тұқымды сиырлар әкеліп шаруашылықты дамытуда. Қарнақта бұрыннан осы шаруа түрін бастаған кәсіпкерлер жетерлік. Қәзір олардың үй жануарлары ауа райына бейімделіп, үйреніп кеткен. Оларға мемлекет тарапынан әр асыл тұқымды сиыр басына субсидия беріледі.
