Шымкентте ұзындығы жарты шақырымды құрайтын К. Тоқаев көшесі орташа жөндеуден өтуде. Бүгінге дейін жолдың үстіңгі қабаты тегістеліп, нығыздалып, асфальт жабындысының бірінші қабаты салынды. Асфальтбетонның екінші қабаты қазан айы басталғанша төселіп бітпек.
Көше бойымен жаяу жүргіншілер жолы да жасалуда.
Жұмыстар 2021-2025 жылдарға қаланың жол инфрақұрылымы бойынша бекітілген бас жоспарына сәйкес жүргізілуде.
Жұмыс барысын арнайы барып тексерген шаһар басшысы, жұмыстардың сапасы бойынша жауапты басшыларға нақты тапсырмалар жүктеді.
Қалалық жолаушылар көлігі және автомобиль жолдары басқармасы көрсеткен статистика бойынша биылға жоспарланған 308 көшенің 232-сінде (92 нысан) жұмыстар толығымен аяқталған. Қалған 76 көше жаңа жылға дейін жөнделіп бітеді.
Шымкент қаласы әкімдігінің баспасөз қызметі
